Elan Qaydaları

Aşağıda qeyd olunan bütün kateqoriyalar üzrə Elan Qaydaları həm fərdi, həm də Biznes Hesab sahibləri üçün etibarlıdır. Bu qaydalar, www.elanbaz.az veb-saytı və mobil tətbiqinin istifadəçi müqaviləsinə daxildir. İstifadəçilər, istifadəçi müqaviləsində göstərilən qaydalara əməl etməyi, qanunvericiliyə uyğun olaraq istehlakçını aldada biləcək ifadələri, xüsusən də reklam formlarına daxil etməməyi qəbul etmiş və öhdəsinə götürmüş hesab olunur.

Reklamı yerləşdirmiş istifadəçinin daxil etdiyi əlaqə məlumatlarından yalnız reklam haqqında məlumat əldə etmək, ünsiyyət məqsədləri üçün istifadə edilə bilər.

Şəxsi məlumatların mühafizəsi haqqında qanunla qorunan reklamçıya və ya üçüncü şəxslərə məxsus fərdi məlumatlar və ya reklama daxil edilə bilən xüsusi fərdi məlumatlar başqa məqsədlər üçün istifadə edilə, surəti çıxarıla, mediada dərc oluna, emal edilə və ya yayıla bilməz. Digər məqsədlər üçün kənar şəxslərə daxil olmaq və istifadə üçün təqdim edilə bilməz.

Məxfilik prinsipi çərçivəsində heç bir şəxsin həssas şəxsi məlumatları reklam məlumatlarına və yaxud reklamla bağlı fotoşəkillərə daxil edilməməlidir.

İstifadəçilər, qadağan olunan məhsulların cari siyahısını mütləq şəkildə oxumalıdırlar. Həmin siyahı yenilənə və tərkib hissəsi dəyişdirilə bilər.

Azərbaycan Respublikası daxilində və xaricdə yaşayan Azərbaycan vətəndaşları, istifadəçi müqaviləsinin əhatə dairəsində olan xidmətlərin (məhsul yalnız ölkə ərazisində olmaqla) tamamından istifadə edə bilərlər.

Xarici ölkələrin vətəndaşları, istifadəçi müqaviləsinin əhatə dairəsində olan xidmətlərin sadəcə bir (qadağan olunmayan) qismindən istifadə edə bilər.

Açıq və izahlı qeyd olunmuş qaydalar və İstifadəçi müqaviləsi pozulduğu təqdirdə, administrasiya tərəfindən dərcdən çıxarılan və ya birbaşa silinən ödənişli elanların ödənişi geri qaytarılmayacaq. İstifadəçilər bu məsələ ilə bağlı məsuliyyəti öz üzərlərinə götürdüklərini və **www.elanbaz.az**-dan heç bir haqq tələb etməyəcəklərini qəbul edirlər.

Münasib hesab edilən elanlar sistem tərəfindən avtomatik qəbul olunduqdan sonra sayt admini tərəfindən təkrar baxış aparılır; daha sonra məqbul hesab olunan elanlar, sayt rəhbərliyi tərəfindən müəyyən edilmiş müddət ərzində (30 gün) saytda yayımlanır.

İstifadəçi elan yerləşdirdiyi andan etibarən növbəti 30 gün ərzində elanı ödənişsiz bərpa edə bilər.

İstifadəçilər bilməlidirlər ki, redaktə edilmiş elanların yayınlanma müddəti uzadılmış hesab edilmir.

Elanın yerləşdirildiyi andan 30 gün keçərsə, bu elanın ödənişsiz bərpası mümkün deyil. İstifadəçi kateqoriya üzrə növbəti elanı ödənişli xidmətlərdən istifadə etməklə bərpa etməlidir.

Təkrar yoxlama zamanı qayda pozuntusu aşkar edilərsə, həmin elanları rədd etmək və saytdan silmək hüququnu www.elanbaz.az özündə saxlayır.

Turizm məqsədi ilə kirayə elanları dərc edənlər qüvvədə olan hüquqi qanunvericiliyə, portalda reklamların dərci qaydalarına uyğun fəaliyyət göstərməyə borcludur.

Qanuni öhdəliklərini yerinə yetirmədən turizm məqsədləri üçün kirayə elanları dərc edənlərə qarşı tətbiq edilən inzibati sanksiyalar və cərimələrə görə yalnız həmin istifadəçilər məsuliyyət daşıyacaq.

İstifadəçilər, elan yerləşdirməzdən, elanı redaktə etməzdən və elanı yenidən dərc etməzdən əvvəl hüquqi qaydalara uyğun olaraq sistem vasitəsilə şəxsiyyətlərini təsdiq etməlidirlər (giriş etməlidirlər).

Şəxsi və ya biznes hesab sahibləri şəxsi kabinetə giriş prosesini həyata keçirmədikləri təqdirdə müvafiq qanunvericiliyə uyğun olaraq elan yerləşdirə bilməyəcəklərini qəbul edirlər.

Daxil edilən təkrar elanlar eynilik xüsusiyyətinə sahib olduqları halda, ilk daxil edilmiş elan saxlanılmaqla ikinci, təkrar hesab olunan elan sistemdən silinəcəkdir.

Reklamın silinməsi halında təkrar yenidən sistemə daxil edilməsi kimi oxşar fəaliyyətlər həyata keçirən hesab sahiblərinin reklamları silinə, hesabları müvəqqəti olaraq dayandırıla və ya ləğv edilə bilər.

Premium xidmətinin işləmə qaydası: Premium elanların, premium olaraq saytda ən üst sıralarda yayınlanma müddəti qeyd olunan gün sayı qədərdir (elanın ümumi aktivlik müddəti 30 gündür).

İstifadəçi 1 elana istədiyi qədər təkrar premium ala bilər. Ən çox gün sayı olan premium elanlar, xidmətin aktivlik müddətinin sonuna qədər ana səhifədə 1-ci sırada, 1-ci yerdə qalır.

21. Elan yerləşdirmək qaydaları

Daşınmaz Əmlak

Elan başlığı və elanın təsviri bölməsində yalnız daşınmaz əmlakla bağlı məlumatlar yer almalıdır. Reklam başlığı və elanın təsviri bölmələrində məhsulun linkləri əlavə edilməməlidir.

Əlavə edilmiş fotoşəkillərdə şirkət loqoları, telefon nömrələri və ya keçidlər, loqolar və ya müxtəlif veb-saytların adları daxil olmamalıdır. Seçilmiş vitrin şəkli kimi qeyd olunan şəkillərdə; Şirkət loqoları, telefon nömrələri, vebsayt linkləri, rəngli fonlar, rəngli çərçivələr, mətn məzmunları, proqramlarda işlənilmiş şəkillər daxil edilməməlidir.

Sistem daxilində fərqli istifadəçinin fotoşəkillərindən istifadə edilməməlidir.

Əmlakın satışı üçün ayrıca, icarəyə verilməsi üçün isə başqa elan verilməlidir. Eyni elanda həm alqı-satqı, həm də kirayə məlumatları daxil etmək qadağandır.

Eyni blokda və ya eyni ünvanda yerləşən eyni xüsusiyyətlərə malik daşınmaz əmlaklar üçün ayrı-ayrı elanlar daxil edilməlidir. Eyni xüsusiyyətə malik ikinci reklam girişi təkrar sayılır.

Hər bir elan üçün fərqli şəkillər istifadə edilməli, eyni yerdə olsa belə ikinci reklamda eyni şəkil istifadə edilməməlidir.

Daşınmaz əmlak elanı qeydləri sahibi tərəfindən və ya sahibinin razılığı ilə edilməlidir. Bu məsuliyyət istifadəçiyə məxsusdur. Əmlak sahibinin etirazına uyğun olaraq, istifadəçilərin bu elanları silinə, hesabları müvəqqəti olaraq dayandırıla və ya ləğv edilə bilər.

Borcla birlikdə satmaq istədiyiniz mənzil elanlarınızda qiymət sahəsinə bütün borclar daxil olmaqla ümumi məbləğ yazılmalıdır.

Veb səhifə, e-poçt ünvanı və şirkətin əlaqə məlumatları reklamın təsviri bölmələrinə daxil edilməməlidir. Telefon nömrəsi və istifadəçi adı yalnız istifadəçi məlumatı bölməsində dərc edilməlidir. Reklamın başlığında yalnız aidiyyəti üzrə sözlərdən istifadə olunmalıdır.

Satılmış və ya icarəyə götürülmüş məhsullar “Satılmış”, “İcarəyə verilmiş” kimi yenidən dərc edilə bilməz.

Satış prosesinin davam etdiyi təəssüratı yaradan və ya istehlakçının aldadılması və çaşdırılması ehtimalı yarada bilən ifadələrdən ibarət reklamlar dərc olunmayacaq və cari elanlar nəşrdən silinəcək.

Sistem daxilində banklara məxsus daşınmaz əmlaka dair elanlar, yalnız aidiyyəti üzrə səlahiyyəli şəxslər tərəfindən yerləşdirilə bilər.

İstifadəçi tərəfindən dərc edilən elanların məlumatları sonradan reklam verən tərəfindən dəyişdirilə bilməz və reklam verən bu məsələyə etiraz etməyəcəyini əvvəlcədən qəbul edir. Həmin elanlar, qeyd olunan yazılarda səhvlik aşkar olunduğu halda redaktə edilə bilər.

Xarici ölkələrin vətəndaşları olan istifadəçilər bu kateqoriyada elan dərc edə bilərlər.

Nəqliyyat vasitələri

Elan başlığı və elanın təsviri bölməsində yalnız həmin vasitə haqqında məlumat daxil edilməlidir. Reklam başlığı və elanın təsviri bölməsində reklam məzmunu yazılmalı, linklər əlavə edilməməlidir.

Yayımlanacaq elanlarda istifadə olunan fotoşəkillər həmin vasitəyə aid olmalı və Azərbaycan Respublikası ərazisində çəkilməlidir.

Elan özəlliklərində göstərilən meyarlara (qiymət, km, model, il və s.) düzgün məlumat daxil edilməlidir. Bu məlumatların düzgünlüyünə görə məsuliyyət reklam verənin üzərinə düşür.

Daxil edilən nəqliyyat vasitəsinin kateqoriyasının, markasının və modelinin seçilməsi istifadəçinin öhdəsindədir və düzgün seçilmədiyi üçün reklamdan imtina edildikdə, reklam hüququ itirilir və yeni hüquq yalnız ödənişli şəkildə yaranır.

Əlavə edilmiş fotoşəkillərdə şirkət loqoları, telefon nömrələri və ya keçidlər, loqolar və ya müxtəlif veb-saytların adları daxil olmamalıdır. Seçilmiş vitrin şəkli kimi qeyd olunan şəkillərdə; Şirkət loqoları, telefon nömrələri, vebsayt linkləri, rəngli fonlar, rəngli çərçivələr, mətn məzmunları, proqramlarda işlənilmiş şəkillər daxil edilməməlidir.

Sistem daxilində fərqli istifadəçinin fotoşəkillərindən istifadə edilməməlidir.

Həm satış, həm də icarə məzmunu eyni olan vasitələr üçün ayrı-ayrı elanlar daxil edilməlidir.

Reklam yalnız sizə məxsus olan vasitələrin satışı üçün yerləşdirilə bilər.

Öncədən sifariş elanları dərc edilməsi qadağandır.

Eyni marka və modeldə olan müxtəlif nəqliyyat vasitələri üçün ayrı reklam yerləşdirilməlidir.

Xarici ölkələrdən sifarişlə gətiriləcək olan vasitələr haqqında elan dərc etmək qadağandır.

Xarici ölkələrin vətəndaşları olan istifadəçilər, bu kateqoriyada sadəce “kirayə” avtomobillər üçün elan dərc edə bilərlər.

Əşyalar

Reklam başlığı və elanın təsviri bölməsində yalnız məhsul haqqında məlumat olmalıdır. Reklam başlığı və elanın təsviri bölməsində reklam məzmunu yazılmalı, linklər əlavə edilməməlidir.

Qadağan olunmuş məhsullar siyahısına daxil olan məhsulların reklamı aparıla bilməz.

Yayımlanacaq elanlarda istifadə olunan fotoşəkillər satılan məhsula aid olmalıdır.

Reklam özəlliklərində göstərilən meyarlara düzgün məlumat daxil edilməlidir.

Əlavə edilmiş fotoşəkillərdə şirkət loqoları, telefon nömrələri və ya keçidlər, loqolar və ya müxtəlif veb-saytların adları daxil olmamalıdır.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

Ev və bağ üçün

Reklamın başlığı və təsviri bölməsinə yalnız şəxsi məlumatlar daxil edilməlidir. Reklam başlığı və elanın təsviri bölməsində reklam məzmunu yazılmalı, linklər əlavə edilməməlidir.

Yayımlanacaq reklamlarda istifadə olunan fotoşəkil həmin şəxsə məxsus və yaxud həmin sahəyə uyğun olmalıdır.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

İş elanları

Elan başlığı və elanın təsviri bölməsinə yalnız iş haqqında məlumat daxil edilməlidir. Reklam başlığı və elanın təsviri bölməsində reklam məzmunu yazılmalı, linklər əlavə edilməməlidir.

Vakansiyalar haqqında elanlar yalnız Azərbaycan Respublikası daxilində mövcud olan idarə, şirkət və ya sahibkarlar tərəfindən dərc edilməlidir. Xarici dövlətlərdə olan vakansiyalar ilə əlaqəli elan yerləşdirmək qadağandır.

Xarici dövlətlərdə olan vakansiyalar ilə əlaqəli elanların portalda mövcud olma məsuliyyəti birbaşa həmin elanı dərc edən istifadəçilərin üzərinə düşür. Həmin elanlara görə www.elanbaz.az məsuliyyət daşımır.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

Uşaq dünyası

Elan başlığı və elanın təsviri bölməsinə yalnız işçi haqqında məlumat daxil edilməlidir.

İş axtaranlar haqqında elanlar yalnız Azərbaycan Respublikası daxilində olan istifadəçilər tərəfindən dərc edilməlidir.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

Xidmətlər

Elan başlığı və elan təsviri bölməsində yalnız xidmət və ya şəxs haqqında məlumat daxil edilməlidir.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

Heyvanlar və məhsullar

Reklamın başlığı və təsviri bölməsində yalnız müvafiq heyvan və ya məhsul haqqında məlumat verilməlidir.

Biznes hesab sahibləri heyvanlar haqqında reklam yerləşdirə bilməzlər.

“Kənd məhsulları” alt kateqoriyada yalnız fermer kimi fəaliyyət göstərən sahibkarlar tərəfindən, topdan satışı mümkün olan məhsullar xaric, hər hansı bir qida məhsulunun satışı üçün elan yerləşdirmək qadağandır.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

Elektronika

Elan başlığı və elanın təsviri bölməsinə yalnız həmin alət və ya məhsul haqqında məlumat daxil edilməlidir.

Xarici ölkələrin vətəndaşları olan istifadəçilər bu kateqoriyada elan dərc edə bilməzlər.

Biznes Səhifələri

Biznes hesab istifadəçiləri, açdıqları hesab üzərindən yalnız fəaliyyət növünə uyğun məhsullar haqqında elanlar dərc edə bilərlər.

Biznes istifadəçiləri tanıtım məqsədi ilə öz veb səhifələrini və e-poçt ünvanlarını göstərməməlidirlər.

Xaricdə yaşayan Azərbaycan vətəndaşları yalnız Azərbaycan ərazisində yerləşən məhsullar haqqında toplu elanlar dərc etmək məqsədi ilə biznes hesabı aça bilərlər. Əks halda qadağandır və açılmış bütün hesablar silinəcək, ödənilən paket məbləği geri qaytarılmayacaq.

Xarici ölkələrin vətəndaşları biznes hesabı açmaqla sadəcə “DAŞINMAZ ƏMLAK” və “Kirayə” avtomobillər kateqoriyaları üzrə elanlar dərc edə bilərlər. Digər kateqoriyalara aid elan dərc etmələrinə icazə verilmir.

22. Qaydalara Dəyişikliklər

Qaydaların müddəalarını, www.elanbaz.az istənilən vaxt portalda dərc etməklə yeniləyə və dəyişdirə bilər. Qaydalara edilən yeniliklər və dəyişikliklər Portalda dərc edildiyi tarixdən qüvvəyə minir.

23. Qadağan olunmuş məhsul və elan növlərinin siyahısı

Orqan, insan sağlamlığına zərərli olan məhsullar və cihazlar, enerji içkiləri, qida əlavələri, qida məhsulları, mədəni və təbii sərvətlər, odlu silah və kəsici alətlərin satışı, yanıcı, partlayıcı qurğu və materiallar, rəsmi geyim və hərbi avadanlıqlar, kredit kartları, kreditlə məhsul satış reklamı, lombardların əldə etdikləri qızıl zinət əşyaları və dəyərli əşyalar, siyasi məzmunlu məhsullar, dərman preparatları, ikinci əl paltarların (xüsusilə alt paltarlarının) satışı, konsert və tədbir biletlərinin satışı, mərc, şans oyunları biletləri, alkoqollu içkilər və tütün məmulatları, sənəd satışı, qadağan olunmuş heyvan növləri, virtual valyuta satışı, dinləmə cihazları, hər növ narkotik vasitələr, oğurluq məhsullar, qeydiyyatdan keçməmiş elektron cihazlar, izdivacla bağlı şəxsi məlumatlar, seksual xarakterli məhsullar və məzmunlar və s.

Qanunla satışı, istifadəsi, tətbiqi, gəzdirilməsi, saxlanılması, yayılması qadağan olunmuş bütün növ məhsullar haqqında elan tərtib etmək qəti qadağandır. Bu cür elan tərtib edən istifadəçilər əməllərinə görə şəxsən özləri məsuliyyət daşıyırlar.